- 167 -

1349. Nov. 25. Liegnitz.

Der Erbvogt und die Schöppen von Liegnitz bezeugen, dass Martin, der Glockengiesser, der Stadt nach seinem Tode sein am Ringe gelegenes steinernes Haus, sein Haus vor der neuen Pforte und seinen halben Antheil an einem Speicher bei der Jauergasse vermacht hat.

Nos Franczco judex hereditarius in Legnicz et scabini ibidem Johannes Puschil, Sifridus Kulbus, Cuno Stoube, Sidil Walkun, Jacobus Vrowenstat, Petrus Polenwicz et Niczco Pellificis recognoscimus vniuersis, quod astantes coram nobis in judicio bannito Sidilmannus Brockottindorf tunc magister ciuium cum consulibus tunc Nycolao Pfutir, Petro Sifridsdorf, Hertlino Garnczuger, Heynuschone Institore et Johanne Luban nec non cum juratis seu magistris operariorum, ex carnificibus videlicet Johanne Haynow et Nycolao Kalis, ex pistoribus Peczone Heider et Nycolao Hermenczil, ex calcificibus Petro de Heida et Johanne Hertlini, ex textoribus Johanne Nigro et Nycolao Koschwicz, ex institoribus Johanne Schonebir et Hancone Ceczler, ex pellificibus Johanne Kolberg et Niczcone Pellifice, ex lanatoribus Jeclino Garnczuger et Henslino Libnow, ex sartoribus Nycolao Dyslow et Nycolao Jawer, ex fabris Johanne Vingersberg et Hermanno Fabro, habito consilio et consensu seniorum et tocius vniuersitatis Legnicz parte ex vna et ex parte altera Martinus campanator, rejectis et frustratis omnibus tractatibus ordinacionum prius inter eos factarum necnon literis desuper confectis, salua sola litera super orto ad ampliacionem noui cimiterij, talem ex nouo ordinacionem et tractatum fecerunt, pronunciauerunt et confirmauerunt, sie quod dictus Martinus domum lapideam sitam in acie circuli versus plateam castrensem exluso cellario vini, quod jam est ciuitatis, necnon domum cum orto annexo sitam ante portam nouam et horreum dimidium situm circa plateam Jaworiensem debet habere ad tempora vite sue cum alijs domibus conuenticijs connexis. Sed post mortem ipsius Martini hic jam dicte hereditates tantum cum terre infixis et clauibus affixis debent esse ciuitatis et nichilominus omnes domus conuenticie ad predictam domum lapideam pertinentes eo modo, sicut Martinus habuit, post mortem Martini, vt dictum est, ad ciuitatem perpetue pertinebunt. Omnes vero res mobiles, quas Martinus habet nunc uel habebit et omnes hereditates, quas amplius comparauerit, debet ipse Martinus habere hereditarie pro se et suis successoribus sicut sua habere bona solet quilibet ciuis Legniczensis. Verumptamen ipse Martinus de omnibus, que habet siue ad tempora vite uel hereditarie, debet dare exaccionem more ciuitatis Legniczensis. Super quo presentem literam dedimus nostris subsigillis. Actum judicio proximo ante festum sancti Andree apostoli, anno domini M°CCC°XL° nouo.

O. d. St. L. No. 68. An Pergamentstreifen das Siegel des Erbrichters und der Scabinen in gelbem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866